النكتة السياسية بعد الثورة

مبارك : عارف يا ابليس ياخويا, انا عاوز اعمل في الشعب المصري
حركه تطلع من نافوخهم
أبليس : طب هات ودنك وخد الفكره دي .....وش وش وش وش
مبارك : لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك
------------------------------

واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا
عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : gallon بنزين
.............................................................

مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه؟


ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال ؟
ولد صغير تانى رفع ايده فمبارك سأله اسمك ايه قاله تامر فقاله سؤالك
ايه يا تامر؟
تامر : انا عندى 6 اساله


1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين كل حاجه فى البلد ؟
4 - ليه مص ر حالتها الاقتصاديه زفت و انت مبتعملش حاجه ؟
5 - ليه جرس الراحه رن ربع ساعه بدرى ؟
6- فين رامى ؟؟؟؟؟؟
.........................................
مرة سيادة الريس مد إيده في جيبه لقي 5 مليون جنيه!!فزعل قوي وخاف
وقال إيه الفلوس دي؟ دي الفلوس دي حرام؟ فسأل أحد مساعديه فدله على
طريق الشيخ طنطاوي رئيس الأزهر وقال له: اسأل الشيخ وهو يقول لك الحل .
ما كدبش خبر وجري على طنطاوي وحكا له القصة فرد: 5 مليون بس إيه
النزاهة دي؟ دي بسيطة خالص يا ريس ما تزعلش نفسك؟ كل اللي هتعمله
هتروح وتطوف حول الكعبة 10 مرات .
الريس راح لقي عمنا صفوت فقال له: أنت بتعمل إيه هنا؟ أنت هتلف كام
لفة؟
عمنا صفوت :78 لفة.
الريس: يخرب بيتك أنت؟ ده أنت خربت البلد !!
عمنا صفوت: أنت جاي علي انا
؟



روح شوف علاء ابنك جايب موتوسيكل وبقاله 3 أيام بيلف
...........................................

الدم المصري لازم يصبغ كله شئ في الثورة الأسفلت والملابس ..والروح


تسلمي يا ندي ومنوره المنتدي


وخدي النكتة دي قبل ما يتنحي الرئيس علي حسب أخر الأخبار


" مطلوب جراح ماهر لفصل التوأم المتلاحم : مبارك والكرسي "

جميل يا مستر .
وخدوا الخبر العاجل ده:المجلس الأعلى للقوات المسلحة بقيادة المشير طنطاوى وغياب مبارك:الجيش يعلن انعقاده.

وممكن أضيف كام شعار كده يا مستر:
ارحل يعنى امشى ....هومابيفهمشى.....كلموا بالعبرى.....مابيفهمش عربى.......
احنا مش حانمشى هو اللى يمشى.
الحزب الوطنى باطل حسنى مبارك باطل جمال مبارك باطل.
واسيبكم دلوقتى تقريبا الريس مشى .

طلع مامشيش بس فى مفاوضات بينه هو ونائبه لترك الكرسى
ادعوا معانا.

الخطاب شغال دلوقتى أنا اتفرست وقررت ماسمعهوش دا راجل ....

بعد الخطاب اللي بين فيه كل اعماله قبل ما يمسك الحكم و طبعا ولا عمل فيهم بعد ما مسكه لانه معملش حاجة طلع مش ماشي غير لما ياخد حق الشهداء على اساس انهم صعبانين عليه و انا اتفرس دمي من الكلام الرقيق اللي ظهر

اهوا لله معاك حق يا ماجى ال إيه صعبان عليه الشهداء أصلا مش أمنه اللى قاتلهم واللى غاظنى أكتر طول الخطاب شغال إأنا عملت وعملت وعملت.
بصراحة دا راجل معندهوش دم.
شكرا على مرورك .
حلوة النكتدى يا أمنية شكرا.

اسمعوا النكتة دى طلعت بعد ما مشى مبارك.

نصيحة من الشعب خلوا الكرسى تيفال بعدين عشان محدش يلق فيه.

النكتة حلوة  جدا يا ندى و النكت   دى يا مونى جميلة   جدا  و عندك حق يا ندى  راجل  معندهوش  دم

اسمعوا الترفيها دى كانت فى التحرير لكن روعة:
يلا حالا بالا بالا اطردوا حسنى مبارك.

روووووووووووووووووووووووعة يا مستر

أنا من رأيى نجيب كل كلام القذافى نحطوا هنا لأن أصلا القذافى دا نكتة مش رئيس جمهورية.

منتدي مدرستنا كتب: حد سمع خطاب القذافي اليوم ؟

حدش شاف عبدالفتاح ؟؟

عبدالفتااااااااااااااح

يا عبدالفتااااااااااح

[b]ههههههههههههههههههههههههههههههههههههههههههه
والله العظيم ده كان نفس تعليق الدكتور واحنا بنسمع الخطاب
قال : " هوّ عبد الفتاح .. شكله وكلامه ... مش فاهم منه ولا كلمة "
ودلوقتى لما قرا تعليقك ضحك جدا وقال " طيب هوّ عبد الباسط يعرف عبد الفتاح منين ؟ "[/b]